Leita í fréttum mbl.is

Bloggfærslur mánaðarins, júní 2012

Nú verða sagðar fréttir.

 

Formáli
 
Jæja.... Ég er nú í smá fýlu við þessa síðu en ég var búinn að skrifa dágóða grein og er 99,99% viss um að ég hafi vistað hana sem uppkast en þegar að ég ætlaði svo að halda áfram þá hafði hún tekið Lísu í undralandi á þetta. Skriðið ofan í holu og látið sig hverfa. Ekki gott.

Veiði og Staðsetning 

Við erum staddir rétt fyrir utan þjóðhátíðareyju og erum að fiska þann röndótta, veiðin var nú ekki sérstök í byrjun en hefur verið að braggast uppá undanfarið og eru hallast veðbankar að við verðum inni í firðinum fegursta á sunnudag. Líklegt þykir að landsmenn muni fagna komu okkar um allt land. Sennilega verður íslenski fáninn í hávegum hafður og jafnvel skrúðganga okkur til heiðurs.

Sagan af froskunum 

Ég lenti í sérstöku atviki í byrjun túrs. Það var þannig að ég var að koma úr löngu fríi eftir að hafa tyllt mér á skólabekk. Allavega vinnslan var farinn af stað og fiskur kominn í hús og allt á góðri siglingu. Ég var hinsvegar var við ammoníakslykt niðri. Ég ákvað að spyrja mér reyndari menn: "Hvað er að frétta af þessari ammoníakslykt?" Svarið sem ég fékk var: "þetta er alveg eðlilegt". Einhverjar bjöllur klingdu í hausnum á mér og datt mér þá í hug dæmisagan af froskunum tveim. Þannig var að einu sinni voru tveir froskar sem komu að tveimur pottum fullum af vatni. Annar potturinn var með heitu vatni en hinn með köldu. Kveikt var undir báðum pottunum. Sá fyrsti hoppar ofaní heita pottinn en finnur strax að heita vatnið er eitthvað sem honum líkar eigi, hoppar uppúr og heldur sinni leið áfram. Sá síðari hoppar ofan í kalda vatnið, þar dólar hann uns loksins hann soðnar og á endanum deyr.

Framvæmdastjóri mánarinns 

Þá er komið að valinu á framkvæmdastjóra mánaðarinns en við strákarnir höfum verið iðnir við makrílinn í framkvæmdastjóraleik á netinu í boði fótbolta punkts nets. Daði skipstjóri var sprækur í byrjun en sparkspekingurinn hefur eitthvað verið að gefa eftir að undanförnu. Stjóri mánaðarinns er að þessu sinni Hilmar Benediksson aka Loverlips aka Gullkálfurinn. Hér fyrir neðan má sjá stöðuna eins og hún stendur. Þetta er hinsvegar ekki spretthlaup enda er tímabilið langt. Þetta er meira svona eins og þrefallt maraþon með hindranabraut. Mikið getur enn gerst á tímabilinu og ómögulegt að spá fyrir um úrslitinn.

fantasy

 

 

 

 

 

 

 

 

Vélstjórahornið 

Vélstjórar eru serstakir fýrar. Þeir sinna hinum ýmsu störfum og er ekkert þeim óviðkomandi. Þeir eru stundum notaðir sem stuðpúðar fyrir aðra áhafnarmeðlimi. Þeir fá stundum (óverðskuldað) að heyra það. Setningar eins og: "Afhverju virkar þessi dæla ekki?", "hversvegna er ekkert að fiskast?" og "afhverju er dagskráin í útvarpinu svona leiðinleg" eru meðal þeirra fjölmörgu vandamála sem þessir góðfúslegu starfsmenn fá stundum að heyra. Þessvegna hef ég ákveðið í samráði við Egil Guðmundsson skólastjóra vélskólanns (nú tækniskólinn) tekið til nýja kennsluáætlun í kennslu og undirbúning tilkomandi vélstjóra. Félagsráðgjöf og áfallahjálp verða núna skyldu kúrsar í námi þeirra til að tryggja það að tilvonandi smurapar séu í stakk búnir við að taka við þeim sleggjum sem sveiflað er til þeirra. 

Húsbandið 

Húsbandið er tekið til starfa. Tónlist er flestum sjómönnum í blóð borinn, allt frá því að víkingarnir sungu drykkjusöngva undir sterkum áhrifum berserkjasveppa á ferðum sínum um atlantshafið hafa sjómenn verið að taka lagið. Stífar æfingar eru núna haldnar annað hvern dag og vopnaðir tveimur gíturum ásamt tónlistarforritinu Garage-band á ipad sem leikur eftir nánast hvaða hljóðfæri sem er hefur hver stórsmellurinn á eftir öðrum litið dagsins ljós. Stefnan er sett útgáfu plötu sem mun innihalda smelli eins og "Trollið er farið", "Brælu-blús" og "Rock-hall" ásamt fullt af öðru "gúddsjitti". Opnar prufur fyrir vali á söngvara verða haldnar uppí brú sunnudaginn 17 júni. Fá keppendur í Aðalsteinns Idol 3 mínútur hver til að heilla dómnefnd. Lagaval er frjálst en skilyrði er að keppendur syngi á íslensku á sjálfan þjóðhátíðardag Íslendinga. â™« "Hæ hó og jibbí jei það er kominn... â™«

Klefamafían 

Flestir kannast við áhöfnina á Kleifa-berginu. Færri hafa hitt áhönfina á Klefa-berginu, það er nefnilega maðkur i sauðagæru hér um borð, jafnvel úlfur í mysunni. Er ekki best að ég brytji þetta aðeins niður. Það eru 24 kojur um borð, meðtöldu sjúkrakojunni sem er ekki notuð nema í neyðartilvikum. Af þessum 23 kojum eru 3 tveggjamanna klefar. Venjan er sú að eðeins er einn í hverjum klefa nema þegar að aukafarþegar koma um borð, svo sem sölu og eftirlitsmenn, börn, makar o.s.frv. Þannig að það það þarf engan stærðfræðing til að sjá það að undir öllum eðlilegum kringumstæðum ættu allir að finna stað til að halla lúnu höfði eftir vinnu. Við erum 20 hér um borð klefarnir eru 20. Þetta er nú ekki flókið, einn klefi á mann. Sumir eru þeim forrréttinum hafðir að þeir eru með sinn eigin klefa. Þetta hafa þeir áunnið sér með annaðhvort með menntun, starfsheiti, reynslu eða öðrum fyrirliggjandi ásæðum. Hversvegna er ég að lista þessar upplýsingar. Það kom nefnilega upp sérstök uppákoma í byrjun túr. Einn háseti var kominn á götuna (ganginn). Það virtist sem allir klefar væru fullir. Þá kem ég aftur að úlfnum í maðknum. Sumir hér um borð eru búnir að vera að spila þann leik að láta ,,taka frá fyrir sig" klefa. Til þess að geta tekið eignarhald á klefa í upphafi hverjar veiðiferðar nægir einfaldlega að opna hurðina á klefanum og setja töskuna sína inn og klefinn er þinn. Sumir telja sig vera búnir að snúa á kerfið og hefur klefamafían verið að setja töskur annarra í bitastæðustu svefnplássinn. Háseti einn fékk að finna fyrir þessu þegar að hann taldi að allir klefar væru fullir og var hann búinn að búa um sig í borðsalnum. Er þetta eitthvað sem við viljum?

 Aðalsteinn Jónsson og Unicef

 Þá að jákvæðum og uppbyggjandi fréttum. Bátsmannsvaktin með Sölva í broddi fylkingar hefur ákveðið að fara frá villu sinna vegar, átak til þess að betrumbæta áhöfnina og samfélagið í heild hefur verið hrundið af stað. Styrktarsöfnun Góðhjartaða Munnsafnaðarinns er byrjuð. Þetta gengur þannig fyrir sig búið er að stofna sérstakan sektarsjóð, sem fellst í því að í hvert skipti sem einhver verður uppvís af því að blóta er 200 krónu sekt sem verða dregin af launum viðkomandi í næsta mánuði og mun ágóðinn renna til Unicef. Eftirfarandi orð eru á bannlista: Andskotinn, djöfullinn,helvítis, fjandinn, fjandakornið, fokk, skrattakollur, mella og önnur niðrandi orð um konur. Sjóðurinn stendur núna í rúmum 30.000 krónum og reglulega tikkar inn, þótt hægst hafi reglulega á honum seinustu vaktir eftir mikla uppsveiflu í byrjun. :) Vonumst við til að geta fjármagnað vatnsdælu. ,,Með því að gefa einhverjum sem þér þykir vænt um vatnsdælu getur þú hjálpað til við að útvega heilu samfélagi heilnæmt og öruggt drykkjarvatn". Skorum við hér með á áhöfnina á Huginn VE-55 að láta gott af sér leiða. http://huginnve.123.is/

unicefmynd

 

Nánari upplýsingar má finna á heimasíðu Unicef á Íslandi. http://unicef.is/sannargjafir

Heiðar Högni þakkar fyir sig að sinni fyri hönd Aðalsteinns Jónsonar SU 11. 


Uppsjávarskipið

Aðalsteinn Jónsson SU-11
Aðalsteinn Jónsson SU-11
Heimasíða Aðalsteins Jónssonar SU-11
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband