Á landleið

Þriðjudagur, 4. mars 2008

Já nu erum við lagðir af stað í land. Ættum að vera inná firði í kvöld. Við köstuðum druslunni tvisvar í gær og fengum mjög gott í báðum köstum, svo fengum við gefins frá Sighvati VE og svo gáfum við Hoffellinu ca. 250 tonn, en þeir urðu fyrir því áfalli að sprengja nótina hjá sér og urðum við að koma þeim til hjálpar. Dagurinn í gær var ekki alveg áfallalaus, við lentum í því að tromlan á flokkaranum brotnaði og þurfti að sjóða í hana, var þá yfirvelstjórinn ræstur í verkið til að aðstoða menn í þessu brasi, voru þá menn snöggir til með kaffibollann því hann byrjar ekki daginn án hans. Þeir áttu ekki í vandræðum með þetta og voru snöggir að því. Þegar þegar buið var að kippa þessu í lag þá kom einhver tregða í frystitækin hjá okkur, en menn eru nu að verða pínu sjóaðir í þeim málum og voru ekki lengi að redda því. Nu svo þegar við vorum að byrja dælingu í gær þá fór glussaslanga í dælunni og þurfti að skipta um hana í hvelli og lögðust allir á eitt með það. En til gamans má geta þess að Lolla var buið að dreyma mjög illa nóttina á undan og talaði mikið um það að það yrði eitthvað bras, en til mikillar lukku svaf hann mjög vel í nótt og hefur ekkert bilað ennþá hehe. Það gengur því vel í vinnslunni nuna og eru komnir 16 þús kassar niður og er Runólfur einkar jákvæður í dag um gott gengi í vinnslunni. Sendum við svo bara bestu kveðju í land til þeirra sem vilja, þeir sem ekki vilja geta bara átt sig Grin