.

Jæja drengir og stúlkur.

     Við erum búnir að taka 2 köst og vinnslan er komin á fullt skrið. Menn taka því fagnandi að fá að taka í nótina enda eru flestir orðnir nokkrum kílóum of þungir eftir flotrollið.  Frysting gæti ekki gengið betur og erum við að massa niður á vaktinni einum 40 tonnum.

        Kraftlyftingafélagið er að tröllríða öllu um borð og hlaupa meðlimir á annað hundraðið um heim allan. Áhugasamir geta sótt um á facebook. Félagið hefur ákveðið að fjölga starfsfólki og hafa eftirfarnandi einstaklingar verið ráðnir.

Tóti: Einkaþjálfari.

Sölvi: Skemmtanastjóri.

Kristján Örn: Sjúkraþjálfari.

 

Þess má geta að umsókn Daða Þorsteinnsonar um stöðu stjórnarformanns hefur verið hafnað og stendur staðan laus en sem komið er.

Sölvi og Stjáni eru núna hættir að borða hamborgara eftir að Daníel yfirbryti reyndi að eitra fyrir þeim, sem betur fyrir þá eru þeir meðlimir í KFAJ því annars hefði getað farið verr.

 

Þórhall... Nei ég meina Þorgrímur Þráinnsson hefur hafið sína árlegu tóbaksvarnarherferð og hefur áhöfn Aðalsteins ekki farið varhluta af því. Þorgrímur hefur sett sér það markmið að gera áhöfnina reyklausa með tilheyrandi boðum og bönnum.  Bátsmannsvaktin hefur haft gagnaðgerðir og reykja þeir nú helmingi meira til að vega á móti

Talandi um tóbak þá hefur Stjáni sett á laggirnar nýja tegund af neftóbaki/munntóbaki sem hefur aldeilis slegið í gegn. Ekki nóg með að áhafnarmeðlimir falli kylliflatir fyrir þessari efnablöndu heldur fá Japanskir ferðafélagar okkar ekki nóg af þessu. Kristján stefnir nú á að herja á Asíumarkað í sumar og hefur hann nú þegar þegar fengið 100.000.000 fyrirspurnir.

 

Búið er að færa vatnskælinn úr borðsalnum niðri í vinnslu og hafa klósettferðir aukist um 60%. Laust pláss er nú þar sem kælirinn stóð og vantar okkur eitthvað til að fylla upp plássið. Er einhver sem getur reddað okkur ísvél?

Athugasemdir

[Steini Tryggva (IP-tala skráð) 16.2.2009 kl. 13:32]

Eftir að ég hætti hjá ykkur skilst mér að pizzubakstur hafi stórlega dregist saman á næturnar þannig að það er spurning um að setja upp pizzuofn þar sem kælirinn var ?

[Hörður Halldórsson (IP-tala skráð) 25.2.2009 kl. 22:04]

Til áhafnar .Sá í sænska sjónvarpinu(SV1eða2) mynd af ykkur við makrílveiðar ,vá getur það staðist síðan var viðtal við Hauk framkv.stjóra.Hélt að makríll væri ekki veiddur hér við land.

[Hanna hans Inga (IP-tala skráð) 3.3.2009 kl. 18:14]

Ég mun færa þeim sem bloggar MEST í þessum túr (minnst 3 blogg samt) bjórkassa næst þegar þið komið í land (á Íslandi)

KOMA SVO!