'A landleið

Þriðjudagur, 26. ágúst 2008

Góða kvöldið landkrabbar og sjórottur, í þessum pikkuðu orðum erum við að skríða inn þennan fallega fjörð sem kendur er við Reyðar en held að flestir viti betur en það. Veiðin í þessum túr hefur verið frekar dræm hjá okkur og erum við búnir að vera ansi víða þessa 10 daga. Síðasta hol var tekið tæpar 70 mílur út af Reyðarfirði og fengum við út úr því 160 tonn og fóru einhver 70 tonn yfir í Hákon. Smá kaldaskítur er búinn að vera síðustu 2 daga en ekkert sem að hélt okkur frá veiðum. En það sem gerði útslagið var það að akkurat engin veiði var á þessum slóðum og hvergi í kringum okkur, en fréttir hafa borist úr síldarsmugunni þar sem færeyingar eru að mokfiska en þangað eru held ég rúmir 2 sólarhringar í stím. 'Akvörðun var því tekin að fara í land og tæma skipið. 'I frystinum eru komin 420 tonn í heildina og af því eru 90 tonn af heilfrystum makríl, í bræðsluna eru menn að gíska á að séu um 500 tonn. Byrjað verður á grútarlöndum og verður hún búin einhverntímann í fyrramálið og taka þá tandrabergsmenn til hendinni frystinum kl 8, brottför verður einhverntímann um kvöldmat annað kvöld.

Lítið markvert er búið að gerast síðustu daga nema þegar ákveðinn maður spurði hvort hann mætti ekki að æfa sig á línubyssuna og skjóta yfir í Hákon og fékk hann grænt ljós á það, svo þegar kom að þessu þá kikknaði hann svona líka undan pressu og skalf hann eins og sjálfsfróunarmúffa á 3 stillingu.

En látum það vera lokaorðin að sinni, munum flytja ykkur fréttir úr smuginni í vikunni

kv, Allinn

Flokkur: Bloggar | Facebook

Athugasemdir

Já, já að sigla inn Reyðar...eitthvað, sem sagt að sigla Hvalfjörð eystra, sem Eskifjörður, eins og hver önnur tota gengur inn úr. (Nú veit ég að Reynir heitinn Hólm vinur minn snýr sér við i gröfinni). Gangi ykkur bara vel en hvað helvítis "múffa" er þetta?