Kóngurinn er mættur aftur, lengi lifi kóngurinn hipp hipp...

Kóngurinn er mættur aftur, þá er ég ekki að tala um Thierry Henry sem var í þessum rituðu orðum að setjann á móti Leeds. (Davíð og ómari til mikils móða)

Nei ég er að tala um skipabloggskónginn.  Ég vil byrja á því að óska aðdáendum mínum gleðilegs "nýss" árs og færa þeim þakkir fyrir de gemle.

Seinasta ár var einstaklega gjöfullt fyrir okkur strákana á Aðalsteini og var þetta metár í aflaverðmæti. Þar kemur makríllinn einstaklega sterkur inn. Eru pyngjur okkar núna vel útleiknar og stefnum við ótrauðir á að reyna að gera betur á þessu herranns ári 2012.

Við þjófstörtuðum nýja árinu á því að hefja veiðar við námunda frændur okkar Færeyjingana og erum að eltast við svartkjaftinn í brælu og böli. Hefur þetta gengið frekar brösulega og standa aflatölur einhversstaðar nálægt á að annað hundrað tonn. 

Það er komið nýtt teljara og merkimiða system þannig að ég get ekki sagt ykkur nákvæmar aflatölur úr þessari tölvu þar sem þessi orð eru hripuð niður. Þessi setning er langt frá því að vera "málfræðilega" rétt en ar sem lesendur AJ B. eru flestir vel yfir meðalgreind þá ætti það ekki að vefjast fyrir ykkur.

Ég hóf þetta á fótboltanum og held að ég haldi mig við hann eitthvað meira. Það kom upp skemmtilega uppákoma á kaffistofunni sem mér fannst áhugaverð þannig að ég ætla að reyna að búa eitthvað til úr henni. 

Hefst þá sagan:

,,Eigi skalt þú falsguði tilbiðja" sagði æðstiklerkurinn við Martein hinn mislanga er hann gekk inn með skínandi bikar sinn og lagði fyrir framan söfnuðinn.Hinn mislangi svaraði því að honum væri frjálst að blóta hvaða goði sem honum sýndist og virti að vettugi boðskap hins heilagra Baddínusar. Spá ég þér og þínum heiðnu siðum falli, falli segi ég! svaraði Baddínus og sló stafi sínum í jörðina. Í sömu andrá birtist uppúr jörðinni sjö fingra kolkrabbi. í fyrstu andrá virtist þessi furðuskepna vera friðsamleg og ekki líkleg til ofbeldis. Þegar þessi fingrafimi krabbi kom auga á skínandi könnu hins mislanga þá reiddist hann mjög, var allur rauður og þrútinn tók loks hinn gyllta bikar hóf hann á loft og lét hann skella í jörðina með miklum sprengingum og látum með þeim afleiðingum að hann brotnaði í fjóra bita.                                                                                                                                   Marteini var svo brugðið að hann kraup á kné og sagði við heilagan Baddínus: "Ó hve lágt ég hef lagst, fyrirgef mér ó þú mikli meistari því í græðgi minni hef ég látið  glepjast af gylliboðum, fyrirgef, fyrirgef."                                                                                                                                             Baddínus hvíslaði þá í eyra hins mislanga nokkur vel valin orð og tók af honum bláu skikkjuna sem hann hafði borið frá blautu barnsbeini og lét hann fá aðra rauða í staðinn. Uppúr því urðu þeir hinir mestu mátar.

The End.

 ---------------------------------------------------------------------------------------

Boðskapur sögunar. "dramb er falli næst" og "Baldur hugsaðu þig tvisvar um áður en þú kemur með aðra könnu um borð" :)

 

 

 

þangað til þarnæst .

 

kv. Heinkó 

Aðalsteinn Jónsson, fallegasta áhöfn landsins. (staðfest)

 

Hrekkjalómar og önnur ofurmenni.

Í ljósi umræðunar sem hefur skapast vegna fávitana á Erlingi KE-140 Þá ákvað ég að taka sjáfan í væga naflaskoðun. Þurka af kuskið og gera upp gamlar syndir. Flestir sjómenn hafa nú slegið á létta strengi og þótt húmorinn sé oft í grófara lagi þá held ég að þetta atvik með 13 ára strákinn sem fór í sjóferð með föður sínum sé nú bara algert einsdæmi. 

     Sjálfur fór ég oft með föður mínum og voru menn ekkert nema alrennilegheitin við mig og gerði þetta mig að betri manni. Það er löngu vitað að austfirðingar eru mun betur gefnir og geðbetri en villimannasamfélagið sem fyrirfinnst þarna á Reykjanesinu.  Það hlýtur að vera eitthvað í vatninu þarna, kannski tengist þetta eitthvað viðveru bandaríska hernum fjölda ára. Hugsanlega einhverskonar úrkynjun eða öfgafullar hernaðartilraunir. Hver veit. Það hlýtur allavega að vera einhver góð ástæða að bæði peningasugan Árni Sigfússon og limsugan Vala Grand komi bæði frá þessu rokrassgati syðra.

 Þá að öðru. Eins og alþjóð hefur frétt í gegnum fréttaflutning nýlega þá voru fjórir fávitar nýlega dæmdir í skilorðsbundið fangelsi fyrir einelti og almennan perraskap. Þá er mér hjarta næst að biðja nokkra aðila afsökunar á framferði mínu í gegnum tíðina. 

Fyrst vil ég biðja áhöfnina á Faxa RE afsökunar en fyrir mörgum áður var ég ásamt vini mínum ráðinn sem afleysingaháseti á Kolmunatúr. Þar í fyrsta matmálstíma mættum við með uppblásnar kynlífsdúkkur í borðsalinn beint frá Benidorm og lögðum fyrir þær diska og glös eins og ekkert væri sjálfsagðara. Voru þetta fyrstu kynni okkar af áhöfninni og í seinni tíma sé ég núna að þetta vöru mistök og biðst ég enn og aftur afsökunar ef ég hef sært blygðunarkennd þeirra og vona að þeir finni stað í hjarta sínu til að fyrirgefa okkur strákapörin.

Þá vil ég einnig biðja hann Harald Harðason afökunar því að "einu sinni þegar ég var ég ungur maður"  þá vorum við skipsfélagar á nótaskipinu Guðrúnu Þorkellsdóttur. Ég man eftir þessu augnabliki eins og það hafði gerst í gær. Þetta eru nú sennilega rúm tíu ár síðan. Þá vorum við í stakkageymslunni að bíða eftir að nótinni væri kastað aftur. Það var vont í sjóinn og stakkageymslan angaði af loðnu, svita og reykingastybbu. Andrúmsloftið var þrungið enda var veiði búin að vera slæm þetta kvöldið og menn kaldir og þreyttir. Ekki man ég alveg hvernig þessi atburðarás æxlaðist en þannig var mál með vexti að mér og Haraldi kom eitthvað saman þessa örlagaríku nótt. Það endaði ekki betur en að eftir mikil áflog þá endaði Haraldur á gólfinu fastur undir bekk með mig ofaná á sér: ,,gefstu upp? Gefstu upp?". Haraldur að lokum sá að hann átti við ofurefli að ráða og sökum þess að honum hafði skrikað fótur gat hann engan veginn staðið upp og neyddist þess vegna til að játa ósigur sinn fyrir mér og öðrum áhafnarmeðlimimum sem horfðu dolfallnir á. Þetta var eins og úr gamla testamentinu árekstur Davíð og Golíats. Ódiseyfur á móti Kýklópanaum þar sem vit vóg þyngra en vöfðar.

 Sumir myndu kanski halda því fram að saga þessi sé uppspuni eða ýkjur. Vísa ég þeim fullyrðingum algerlaga til föðurhúsana og afahúsana ef því er að skipta og vitna í mín fyrri orð. "einu sinni þegar ég var ég ungur maður". Ofbeldi leysir hinsvegar engan vanda og vil ég nota tækifærið aftur og biðja hann Halla minn afsökunar á framferði mínu fyrr um árið og til að grafa stríðsöxina er ég með myndband með laginu okkar Halla eftir eilífðarhippan og söngskáldið Bjartmar Guðlaugs. En þar sem ég fann ekki lagið "Engisprettufaraldur" sem er sennilega eitt besta lagið hans verður "Járnkarlinn" að diga 

http://www.youtube.com/watch?v=cdBPRSfdQOE&feature=results_video&playnext=1&list=PLE1FD412CBE3A7185 

Það eru nú fleiri hrekkjalómar um borð, einn sá allra skæðasti er Hafsteinn Bjarnason en hann hefur þróað grikki sína bakvið tjöldin í fjöldamörg ár og er ferilskráin núna í fimm bindum sem verða sennilega gefin út seinna meir. Ritsafnið hefur fengið vinnuheitið "Hafsteinn Bjarnason: Líf mitt og lygilegir hrekkir. Stefnir ritstjóri Aðalsteins Jónssonar að gefa það út samhliða "Brandarabók Baldurs" og "Flækjubókinni" umtöluðu. Bókin hans Hafsteins er meira svona fræðirit þar sem upprennandi prakkarar geta séð teikningar og hugmyndir að ýmsum útfærslum af sprelli og glensi. Vélskóli Íslands sem núna heitir Tækniskólinn er þegar búinn að gera forkaupspöntun fyrir 200 bindi og er á námskrá þeirra árið 2012-2013. Þar þurfa nemendur til að útskrifast að geta hannað og smíðað mekkanóa ýmsa þar sem notagildi er bæði til gagns og gaman. Þar má t.d. nefna kartöflubyssu, sprengju bolla og heimatilbúnar talíur.

Tækniskólinn gerir sér hinsvegar grein fyrir því að grín getur farið útí öfga og menn eru mis hörundsárir og þess vegna hafa þeir ákveðið að bæta við gesta fyrirlesara sem mun fara yfir ákvarðanir og afleiðingar prakkarastrika. Þar kom aðeins einn maður til greina. Sá sem hefur sennilega orðið fyrir barðinu á fleiri hrekkjum en George Wilson nágranni Denna Dæmalausa. Það er silfurrefurinn og nýsleginn fjórhjólaeigandi Haraldur F.  Skemmst er frá því að minnast þegar að alþjóð sá hann verða fyrir barðinu á Daníel og Ardísi hans Sölva. Daníel vopnaður myndavél og Ardís með grímu sem var til þess fallið að áhorfendur skemmtiþáttarinns á skjá einum með Ladda voru vitni af því þegar Haraldi var brugðið all hressilega og vann hann fyrstu verðlaun fyrir píkuskræk sem mældist 135 DB. 

Við erum núna á heimleið þegar þessi orð eru skrifuð búist er við því að vera með smekkaðann bát af síldarflökum og ættum við að sigla inn um fjörðinn fegursta  á sunnudag næstkomandi.

Ég vil koma sérstökum þökkum til Þórhalls Dan fyrir tyggjó gjafir sem ég hef þuggið með þökkum undanfarna daga. Í þakklætisskyni samdi ég þessa vísu.

 

Ellefu ellefu ellefu tólf

baráttan við lummur hófst

Ef ei Dan minn styrktar hrólf,

væri ég fallinn, alveg ljóst. 

 

---

*Fréttaskot, Japaninn um borð var að setjast niður og gæða sér á sviðakjamma, ég er að hugsa um að hætta skriftum og fylgjast með herlegheitunum.

 

K.V.

 

Heinkó. 

 

 

 

 

 

 

 

 

Fiskiorgía.

Jææææææjjaaaaaaaaaaa. Síldarbanarnir á AJSU Ellefu eru mættir á miðin brakandi ferskir eftir seinasta túr þar sem að Tandrabergsstrákarnir tóku á móti smekkfullu skipi af eðal flakaðri síld. Við erum núna í þessum skrifuðu orðum að eltast við síldina norður eftir en það er komin bullandi gredda í hana og flykkist hún norður til að eðla sig. Stefnum við að verða komnir á miðin um hádegi á morgunn.

Stjórnandi leitarinnar er aflakóngurinn Ómar Sig en hann kemur brúnn og sætur eftir aðra sjóferð en þar var hann að vísu ekki skipstjóri, þess heldur var hann farþegi á skemmtiferðaskipi í karabíska hafinu eða kyrrahafi man það ekki alveg það var allavega minni bræla þar heldur en í heimahafinu er kennt er við borgina Atlantis sem sökk eins og frægt er. Mega síldarnar nú vara sig því eitt er víst að þær sleppa ekki úr aflaklónni á Ómari.

Einn laumufarþegi fannst um borð og þá er ég ekki að tala um Binna vél, Erum við núna með Japana sem verður með gæðastjórnun á roðlausum síldarflökum sem við seljum til austurlanda. Undirritaður er mikill áhugamaður um japanska menningu og siði, þá sér í lagi samúræja og sverð og hygg ég á að spyrja hann spjörunum úr. Hinsvegar komi í ljós að hann sé A: Ekki vel að sér í fræðum þessum eða B: Ekki vel máli farinn í enskri tungu, neyiðst ég til að taka hann í hina víðfrægu "silent treatment" sem fyrirmyndin mín silfurrefurinn Fribbster hefur fullkomnað í gegnum árin mönnum til mikillar á og óánægju.

Svo bregðast krosstré sem önnur því að skákséníið Agnar Árna tapaði sinni fyrstu skák hér um borð, Einvígið milli hans og Heiðars hefur verið kallað einvígi aldarinnar og þykir minna mikið á Fisher - Spasski í höfða um árið.

Skotveiði félagið "Bloodgroup" hefur tekið saman rjúpnaveiðitölur þetta árið og er Ingi Ragnarsson skarpasta skyttan og leiðir töfluna þetta árið. Mikil ágangur rjúpna hefur einmitt sést á næststærstu einkajörð á Íslandi, Músalæk við Vöðlavíkurheiði. Náttúruvernadarstofnum telur að  40-45% af austfirska stofninum sé með lögheimili þar. Hægt er að sækja um veiðiheimild á þessari gjöfullu landspildu og er áhugasömum bent á netfangið hjá Guðna [e-mail].

 Sigurður Á eða títt nefndur Baddi var 1. stýrimaður í seinasta túr og fær hann margar fjaðrir í hattinn fyrir "do it yourself" vinnuviðmót sem hann sýndi. Þetta er eitthvað sem starfsbræður hans ættu kannski að taka til fyrirmyndar enda snýtti hann þeim all verulega. 

Það styttist í jólin og er líklegt að við munum koma eitthvað saman, allavega skemmtilega fólkið sem er í starfsmannafélaginu, fýlufélagið er ekki líklegt til afreka. Þar munum við sennilega borða okkur sadda, drekka óheyralega mikinn mjöð hlægja og hafa gaman af. 

Ég veit ekki hverju ég meira að bulla í ykkur lesendum góðum sem virðist bara fjölga þannig að eitthvað hlýtur maður að vera gera rétt. Þið eruð hinsvegar greinilega hrædd við að tjá ykkur og er ég eiginlega búinn að gleyma því að það sé hægt að tjá sig hérna líka og alveg hættur að kippa mér upp við það þó það sé enginn að kommenta.

 Það er fátt um fína drætti í myndum þannig að ég tók saman nokkrar gamlar og fór yfir nokkra nýliðna atburði.

 

Fusi Takisima

Hæja!

Við erum komnir aftur í samband við umheiminn eftir smá bilun í gervihnattamótakara. Mikið álag var víst á skrifstofunni þar sem að áhyggjufullar eiginkonur hringdu til að athuga með sína menn og hversvegna þeir höfðu hunsað tilkynningaskylduna :)

Sölvi er mættur aftur úr fæðingarorlofinu og er hann hæstánægður með að vera kominn aftur og biður að heilsa öllum aðdáendum sínum á netinu.

Við erum nýbúnir að slaka trollinu þegar að þessi orð eru skrifuð og höfum við ekki híft neitt en sem komið er. Þórhallur er í brúnni og ef ég þekki hann rétt verður hann ekki lengi að starta þessu partýí þannig að við komumst sem fyrst aftur í heimahöfn í faðm fjölskyldu og vina.

Þá að mannlífsfréttum af göngunum. Grétar Ómars skartaði nýju skeggi sem að rakarameistarinn Haraldur Eff. Stíll þessi hefur ekki fengið neitt nafn en ég ákvað að gefa því vinnuheitið Don Juan Rapero eftir frægum spænskum rakarameistara.

 

Höldum okkur á aðþjóðlegum nótum þá fékk bílamógullinn Fúsi nýtt japanskt gælunafn þegar að var verið að hringja í hann inní borðsal. Ég ætla að reyna að fara yfir atburðarásina og vona að það verði ekki "lost in translation" því að þetta er alla vegna bráðfyndið þegar að kokkurinn segir frá þessu sjálfur. Ég mun gera mitt besta til að gera þetta glaðlegt á prenti.

Byrjum leikþáttinn! :)

 

 

 

 

 

 

 

Ring* ring* 

Halli (Öldu): "Getur Fúsi tekið símann?"

Daníel (Fríðu) "Ha?"

(Mikil læti í vinnslunni geta gert símasamskipti milli hæða oft erfið)

Halli (Öldu): "Getur Fúsi tekið símann?"

Daníel (Fríðu) "Ha? Fushi Takeshima? Hvaða Japani er það?"

Halli (Öldu):"Japani? Ha?"

Halli (Öldu):"Er Fúsi þarna?"

Daníel (Fríðu):"Já hann er hérna"

Fushi Takeshima: "Halló!"

 --------------------------------------------

 Internatjonall bragurinn heldur áfram og eru sennilega fárir jafn alþjóðlegir og Þórarinn og viljum við strákarnir óska honum til hamingju með giftinguna og óskum honum og Selmu alls hins besta í framtíðinni.

 Þar til næst.

 

Kv. Allinn 

 

 

Cold as ice.

Jæja...

Veiðifréttir: sjá botn.

http://www.mbl.is/smartland/utlit/2011/08/24/fryst_lifandi_til_ad_vidhalda_fegurdinni/

Ef þú lesandi góður ert búinn að lesa þessa greina þá ertu sjálfsagt margs fróðari. Svo að ég komi mér að efninu þá er Þrumu Þór með rótæka áætlun í gangi ef svo skyldi fara að kvótafrumvarpið muni kollvarpa öllu og skipið ekki gert út lengur. 

        Breyta á bátnum í sér íslenska heilsu-freygátu. Frystitæknin verða keyrð á ofkeyrslu til að ná fram hágæða fegurðarfrosti.

Grútarlestarnar verða klæddar í timburpanill og breytt í 5 hæða gufubaði. Það fyrsta sinnar tegundar. Sérlegur tæknilegur ráðgjafi í framkvæmd þessari er Fribbarinn en hann hefur áratuga reynslu af gufuböðum og hlutum þeim tengdum.

Nótakassanum verður breytt í nýmóðins grútar leirböð. Þar geta gestir dýft tánni í vel þroskaðan kolmuna en hann ku gera kraftaverk fyrir húðina. Meiri upplýsingar hef ég ekki á þessu stigi. Frekari upplýsingar gefur Páll Snorrason fjármálastjóri í síma 470-6000 eða [e-mail].

http://www.visir.is/sjomenn-i-vondu-formi---ahofn-missti-samanlagt-einn-mann/article/2011110928862?fb_ref=under&fb_source=profile_oneline

Ég veit ekki með starfsbræður mína en ég get fullyrt að þetta á ekki við um Aðalstein Jónsson, þar er 90% manna í kjörþyngd og helmingurinn hleypur 100 metrana rétt yfir 10 sekúndur. Heilsumeðaltalið er líka á hraðri uppleið eftir að stórvinur minn Kristinn Helgi ákvað að láta lóðin finna fyrir þvi og hefur sjaldan eða aldrei litið betur út.

 

 *Sérstakar þakkir fær Bjarni hjá Shell fyrir að svara kallinu og er nýja dagatalið strax byrjað að skila sér.  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

P.s. 200 tonn komin af gæða síld. 

p.p.s. Meira fljótlega, ég lofa xx.

Kv. Allinn.

"Þetta er svona ákveðinn gæðastimpill !"

Jæjæ. Ég kem fressferskur úr fríinu og el manninn vel á nýafstaðinni þjóðhátíð sem stendur alltaf fyrir sínu. Reyndar saknaði ég þess að gæða mér á lunda og hlusta á ljúfa munnhörputóna hjá vini mínum honum Agnari en hann var vant við látinn þetta árið. Óstaðfestar fregnir herma að hann sé að smíða neðanjarðarbyrgi í Fífubarðinu. Inngangurinn sé falinn í nýja bílskúrnum sem hann er að leggja lokahönd á.

Fréttir hermdu að Siggi Hall ætti að leysa Daníel Kokk af þar sem að hann tekur núna út verðskuldað frí. Þær fréttir hafa nú verið slegnar útaf borðinu og þess í stað kom maður er gengur undir nafninu Björn. Meiri deil kann ég ekki á honum.

Ég lærði nýtt orð fyrir ekki svo löngu. Flestir kannast við orðið "pappakassi" með því er verið að skískota að sá sem pappakassinn sé sé frekar linur og sennilega auðvelt að brjóta saman. Komin er ný útfærsla af þessu gamla orði. Það er "pappa-snitchel" en það þykir einstaklega niðrandi. Ekki nóg með að einstaklingurinn sé gerður úr pappa þá er hann einnig einhverskonar annars flokks kjötklessa. Telst þetta níðorð eitt það alversta sem hægt er að útúrsér láta.

 Pabbi minn er sterkari enn pabbi þinn. Þetta hafa næstum öll ung börn notað til að vegsama sig og sýna fjölskyldu og sýna yfirburði. Ný útfærsla af þessari klassísku setningu kom fram í sjónarsviðið snemma í túrnum en það er: "konan mín er sterkari en konan þín" einnig voru setningar eins og "konan mín getur eytt meiri peningum" og "konan mín getur tekið úr vél með annarri svæft börnin með hinni og talað í símann og samt haldið uppi óaðfinnanlegum kynþokka á meðan" greinilega miklar valkyrjur þar á ferð ;)

Talandi um pabba, þá er nýr pabbakútur að bætast í hópinn á næstunni en það er Big-Daddy Ómarsson betur þekktur sem Sölvi. Hann er núna kominn í fæðingarorlof og óskum við honum alls hins besta. 

 

Við erum með vél hérna um borð sem heitir því gríðarlega flókna nafni "kassavél" (pappakassa?) Þessi vél í eðli sínu vinnur frekar einfalda vinnu þ.e.a.s. hún tekur tvær frosnar blokkir og setur ofan í snitchel.... afsakið kassa. Vél þessi vinnur vinnu fyrir einn mann því á flestum skipum er það einn starfsmaður sem vinur þetta verk. Vél þessi getur verið manns besti vinur og versti óvinur um leið. Ég verð hinsvegar að segja að hún er í sínu allra besta formi í dag því hún fór með 11 búnt af kössum og tók sér ekki nema pásu einu sinni. Það er kraftaverki næst. Biðla ég nú til vélstjóra, Baader og vinnslustjóra að styggja hana nú ekki því við viljum ekki enda uppi með pappasnitchel.

Í þessum töluðu orðum erum við með hvorki meira né minna en tvö celeb um borð en nýjasta viðbótin er hinn sykursæti Siggi T eins og hann vill láta kalla sig þessa dagana. Sigurður er núna farinn á hafið til að finna innblástur við hljóm og textagerð sína. Ekki ósviðað Bubbanum þegar hann var á verbúð á Eskifirði en eins og flestir vita þá samdi Ásbjörn sína bestu slagara í svörtum afgansreyk við strandgötuna. Spurning hvort að sjóveikistöflur hafi sömu áhrif á sköpunargleðina.

Að öllru mikilvægara máli þá erum við með ransóknarstofu á millidekkinu, þar er tölva sem hægt er að glugga í á rólegum tímum ásamt því að þar eru ýmis tæki og tól til rannsóknar á hinum ýmsu fiskitegundum. Þar á vegg hangir dagatal það væri nú ekki frásögum færandi nema fyrir það að á því dagatali eru myndir af fáklæddum stúlkum sem gleðja augað og aðra líkamshluta. Málið er hinsveg það að það er frá árinu 2008 og er ég orðinn frekar leiður á ungfrú maí henni Sabrinu þótt hún fönguleg sé. Þar með biðla ég til þeirra sem eru í dagatala bransanum að senda okkur eintak frá þessu ári þannig að við séum nú með dagana á hreinu. Einu skilyrðin sem ég set við þetta er að á því sé ekki nein einasta mynd af skipi, bílum húsvögnum eða öðru slíku nema þar sé í forgrunni hugguleg fáklædd freyja.. Þetta er mér mikið hjartans mál.

Einnig ef einhverjar prjónakonur eru að lesa þetta þá vantar mig ullarvettlinga, meira samt svona ullarlúffur og er ég tilbúinn að greiða hverjum þeim sem kemur einu slíku pari til mín með peningum, fiski og/eða blíðu. Ekkert endilega í þessari  röð þótt svo að blanda saman blíðu og fiski sé ekkert sérstaklega spennandi þá er ég nýungagjarn og ávalt tilbúinn að prufa eitthvað nýtt ;) 

Gestabloggarinn hefur ekki enn orðið við áskorun minni og fær hann þvi nafnbótina pappasnitchel þar til eitthvað að viti kemur frá honum. Mér var ráðlagt að láta snitchelið heyra það hérna en ég hef það ekki í mér að tala ílla um Reyðfirðinga, nóg er skömmin ;)

 

Enski er farinn að rúlla og eru menn núna í óðaönn að setja upp lið í draumadeildinni. Hilmar Ben varð hlutskarpastur í fyrra og Agnar númer tvö. Daníel lecki rak lestina enda er það ekki líklegt til afreka að hafa kjarnar úr liðinu frá Liverpool. Daníel hyggur á hefndir þetta tímabilið.

Hægt er að skrá sig í deildina okkar á fantasy.premierleague.com og er kóðinn 396883-315276

 Það eru nokkrir búnir að hafa orð af því að ég héli meira en aðrir. Þetta krefst smá útskýringar en þannig er mál með stýrivexti að tvisvar sinnum á vakt eiga hásetarnir að fara í frystilestina og taka á móti kössum og raða. Þar niðri er umþaðbil 20 gráðu frost. Þegar að ég er búinn að vera þarna í klukkutíma lít ég út eins og ég hafi verið að skríða uppá  Everest, allur í grílukertum og með þykkann klaka límdan við úlpuna. Vill ég meina að það sé vegna þess að ég sé einfaldlega heitari (sætari)en aðrir og þessvegna sé uppgufun meiri en á meðalmanni. Krefst þetta frekari ransókna.

Við erum núna við bryggju og erum að landa smekkfullu skipi og er áætlaður brottfarartími er einhverntíman í nótt. Þannig að kæru eigin og hjákonur setjið ykkur í stellingar við erum mættir ;)

Hílsen hálsar. 

 

Pressublogg

Byrjum þetta á hinu ó svo klassíska jæjanu. Við erum á heimleið núna í fjörðinn fegursta og eigum að landa á fimmtudaginn. Með kjaftfullan bát af brakandi ferskum þjóðhátiðarmakríl er veiddist við eyjuna grænu.

Skipscelebbið varð ekki við áskorun minni að gerast gestabloggari og fær hann mínus í kladdann fyrir það. Hann ætlar sér að bæta upp fyrir það seinna en þangað til verð ég að halda þessu gangandi. Reyndar held ég að fjölmiðlamaðurinn sé hræddur við að drita nokkrum orðum á blað enda í stóra skó að fylla :) En nóg um það.

Helst er í fréttum að tveir áttu afmæli í túrnum það voru unglingarnir Kristinn Helgi aka Hokkí Melló og Ársæll Hersteinn aka Sæli sveitti :) Við óskum þeim til hamingju með daginn um daginn. Ársæll hélt veislu fyrir bátsmannsvaktina og var skálað í súkkulaði prótensjeikum á frívaktinni. Kunnum við honum bestu þakkir fyrir sjeikana.

Talandi um afmælisveislur þá hélt undirritaður uppá 30 ára afmælisveisluna sína um daginn. Heppnaðist hún vel en og skáluðu menn í kapavíni og milla mjöð áður en haldið var á kaffihúsið. Þar hitti ég fyrir nokkra vel valda veraldarvini og þá kom sér vel bókin góða sem hafði fengið lánaða frá Tóta. Spanish for dummies. Gat ég þá vippað út nokkrum vel völdum frösum sem féllu í mjög góðan jarðveg hjá spænskum senjórítum sem fegra Eskifjarðarbæ þessa dagana. Minnstu munaði þó að það þyrfti að hætta við fyrirhugað partý þar sem að bylgjuvaktin var mjög óliðleg að færa bátinn svo ég gæti tekið á móti gestum og gangandi.

Þórarinn er  mjög alþjóðlegur eins og alþjóð veit og stefnir hann á að kynbæta íslensku þjóðina eins og hann kallar það á næstu mánuðum. Ég er með myndband sem ég vill tileinka honum en það er með hljómsveitinni Toto sem allir á bylgjuvaktinni ættu að kannast vel við. 

------http://www.youtube.com/watch?v=37ZaSINRDGM------ 

 

 

Þreifingar eru hafnar fyrir næstu ferð starfsmannafélagsins.  Helsinki kom hressilega á óvart en í næstu ferð er kominn tími til að taka þetta "to the next level" og er Amsterdam efst á lista. Vegna fjármagnsleysis er búið að koma fram skipulagsprógram sem mun sjá til þess að allir geti vel við unað. Þeir úr áhöfninni sem eiga hjól/fellihýsi eða tjaldvagn verður komið haganlega fyrir fyrir utan Amsterdam á grasbakka við ánna Amstel sem rennur í gegnum borgina. Hinir einhleypu verða á gistiheimili í rauða hverfinu og restin á hóteli við flugvöllinn. Einnig hefur það komið til tals að láta þá sem eru þeim forrréttindum haldnir að eiga heimili á hjólum að þeir skulu ferðast á meginlandið með skipi. 

Í næstu færslu ætla ég að breyta aðeins til og þá mun ég kynna til leiks nýjan dagskrálið en það er uppskriftarhorn Daníels. Fyrsti rétturinn sem hann mun sýna ykkur lesendum er "Fiski-fullnægingin" en hún er borin fram með karftöflumús. Ég get fullyrt það að það er varla hægt að fá betri fisk.:)

 

Svo minnum við á Facebook síðuna okkar þar sem hægt er að fylgjast með okkur í rauntíma.

 

Þar til næst.

 

Allinn. 

 

 

 

 

 

 

 

 

   

Séð og heyrt.

Jæja við erum núna að sigla suður af Hornafirði að elta makrílinn uppi eins og feitur krakki hleypur á eftir ísbílnum.

Komnir með circa 180 tonn í frystinn og allt gengur eins og í lygasögu.

Þessa stundina erum við með 2 aukafarþega og þá er ég ekki að tala um vélstjórana. Það er Ingibergur eftirlitsmaður og Benni Markmaður.

Skipscelebið er einnig mættur um borð og þá má búast við því að félagar mínir hjá DV fari nú að lesa þetta blogg. Strákar þið megið nú endilega kvitta fyrir heimsóknina. 

Celebið ætlar einmitt að taka að sér gestablogg og þarf hannað girða sig verulega í síðbrók enda var það ekki uppá marga fiska hjá honum seinast. Hann kenndi reyndar tæknilegum erfiðleikum um en það er engin afsökun og fær hann núna tækifæri til að fá uppreisn æru.

 

 

Daníel L. var með grillpartý fyrir brottför um daginn og voru þar mættire helstu folarnir af skipinu þeir Heiðar, Sölvi, Pétur og Þórhallur kenndur við Frey. Slátruðu þeir nokkrum beljum og meððíí.

Fleiri kunnugleg andlit eru um borð og má þar nefna Magga landafræðiprófessor sem veit hæð á öllum hólum og hæðum vestan við miðlínu.

Hreggviður Fribb er einnig á svæðinu en bróðir hans Haraldur er hvergi sjánlegur, sennilega er hann í nágrenni við sundlaug Eskifjarðar.

Yngri Jarlinn af Músalæk, sem er fyrir þá sem ekki vita næst stærsta einkajörð á Íslandi á afmæli á föstudaginn. Býst Daði við að þurfa að stoppa vinnsluna og ræsa á frívaktir til að allir geti tekið þátt í gleðinni. Jarlinn verður einmitt með óvænt atriði um kvöldmataleytið á föstudaginn.

Læt þetta nægja frá mér í bili..

Helgi þú ert næstur :)

kv. Allinn.

Fyrsti túr eftir sjómannadag.

Bada bing bada búmm.

 Hausaveiðararnir á Aðalsteini eru núna staddir eins og svo oft áður nálægt frændum okkar Færeyjingum og erum við í þessum töluðu orðum að búa til gæðavöru sem samanstendur af síld og makríl. Bleyðan hefur verið að gefa af sér og fiskast vel í trollið. Aflatölur standa eitthvað nálægt 300 tonnum af frosnum afurðum.

Sjómannadeginum er nýaflokið og létum við að sjálfsögðu okkur ekki vanta í siglinguna þetta árið enda væri þetta varla sigling án flaggskipsins. Skipið kom nýmálað og flott í fjörðinn nokkrum klukkustundum áður en haldið var. Var hann í makeover mánuði á Akureyri og hefur hann aldrei litið betur út.

Talandi um makeover þá skartaði okkar elskulegi skipstjóri svakalegri múnderingu í siglingunni en þetta var forlát leðurskyrta saumuð úr sauðnautaleðri frá Síberíu. Skyrta þessi vakti mikla lukku hjá undirrituðum og fær Daði fjöður í hattinn fyrir hana. :)

Baldur (M) Einarsson gerði gott mót þessa helgi og sett hann heimsmet í baujukasti við gríðarleg fagnaðarlæti áhorfenda. Haraldi Harðar gekk hinsvegar ekki jafnvel og þurfti hann að láta í nammipokann fyrir Reyðarfjarðarrakettunni í þetta skipti.

Að gefnu tilefni þá vil ég láta þá heyra það sem kepptu fyrir hönd áhafnarinnar í kappróðrinum þetta árið og þurfa þeir að taka sig í alvarlega naflaskoðun eftir afhroð síðustu keppni. Töpuðu þeir í enn eitt skiptið fyrir ellilífeyrirsöldungunum frá Jóni Kjartanssyni enn eitt árið en ekkert mannlegt afl virðist geta stöðvað þá. Í fhópíþróttagreinum ganga menn kaupum og sölum og erum við búnir að taka eftir því að það þarf eitthvað að hrista uppí byrjunarliðinu. Erum við þessvegna að undirbúa transfer á þeirra helsta manni Óðni Leifssyni og er hann með okkur núna um borð og er umboðsmaður okkar Sævar hinn Rauði að reyna allt hvað hann getur til að fá hann annaðhvort með okkur í lið næsta ár eða gera sér upp einhversskonar meiðsli svo hann geti ekki tekið þátt á næsta ári.

Árshátið Eskju tókst vel upp heyrði ég og fór Freyr Eyjólfsson víst á kostum sem veislustjóri en senuþjófur kvöldsins var Snorri á mel sem átti góða innkomu og hvatti fólk til dáða í drykkju.

Pappakassi helgarinnar var Pétur Kristinnson sem ákvað það að í stað þess að skella sér á dansleik þá fannst honum það vera betri hugmynd að loka sig inní sumarbúðstað og spila fjögurra manna lúdó. hann heiðraði Eskfirðinga reyndar með nærveru sinni á sunnudeginum og tókst honum að halda andliti með þeirri heimsókn.

Nýr baadermaður er í starfskynningu hjá okkur og er það stáltillinn Einar. Með honum á vakt er annar maður úr stáli betur þekktur sem stálmúsin. Runólfur Ómar kemur mjög ferskur úr fríinu og reytir af sér brandarana svo mikið að Brandara-Baldur er farinn að taka niður punkta.

Talandi um brandara þá veit ég ekki hvort ég hef sagt ykkur frá því að ég hef í hug að gefa út 2 bækur í nánustu framtíð. Önnur er "Brandarabók Baldurs" og hef ég verið að safna í hana frá því ég byrjaði hér um borð. Hin er hin víðfræga  "Flækju-bók" sem allir sjómenn hafa heyrt um en enginn lesið. Er ég þessa stundina ú upplýsingasöfnum um hnúta og óhnúta og tek ég gjarnan við ráðum heldri og reyndari manna í þessum málum. Reyndar hefur það komið til tals að það lesi enginn bækur í dag og þá er einnig spurning um að gefa út þessi öndvegisrit á stafrænu formi sem iphone application.

Ársæll Hersteinn skartar nýrri hárgreiðslu þessa dagana og fékk hann innblástur frá Essunum þrem (Sölvi, Stjáni og Sæsi) með útfærslu sína á nýja lubbanum. 

Þó svo að sumarið sé ekki komið á Íslandi þá er vor í pungnum á Færeyjum því að menn fara varla útá dekk án þess að koma bruna brúnir og sveittir inn aftur. Þetta er eitthvað sem við Íslendingar ættum að taka til fyrirmyndar hjá frænum okkar og fara að byrja sumarið almennilega áður en að tjald, felli og hjólhýsin fara að ryðga föst í skúrunum.

Maður vaktarinnar so far. Allavegna sá sem ég fæ mestan innblástur að skrifa um þessa dagana er klárlega Baldur. Ég tók eftir nokkru athyglisverðu um þann ágæta mann um daginn. þannig er mál með vexti að Baldur leysir mig af í lestinni á hverri vakt og núna seinast þegar að ég var að klæða mig úr gallanum þá sá ég vettlingana hans. Þetta eru nú ósköp venjulegir vettlingar fyrir utan það vegna stærðar þeirra gætu þeir notast sem júgur hulstur ef þannig lægi við. Baldur merkir vettlingana sína "B.E". Fyrir þá sem ekki vita þá heitir hann hvorki meira né minna en þremur nöfnum og fannst mér þetta einkennilegt að hann skyldi bara nota tvo stafi til að merkja þá enda ritpláss ekki af skornum skammti. Fór ég í smá rannsóknarvinnu og þar sem að ég er ekki bara með eindæmum myndarlegur heldur líka áhugasálfræðingur komst ég að því að hann er haldinn svokallaðri "Nomatophobia"  en það er sjúklegur og órrökstuddu hræðsla við nöfn. Ekki nóg með það að hann sé með þessa fóbíu þá er hann líka haldinn svokallaðri "Milli nafna maníu" hef ég gríðarlegar áhyggjur af þessu ástandi og biðla ég núna til allra þeirra sem "vettlingi" geta valdið að hjálpa mér í átaki þessu. Hugmyndin er að hafa átakið nafnlaust enda vil ég ekki fyrir mitt litla líf styggja þennan tveggja metra mann.

 Sjoppustjórnin er ekki að gera góða hluti þessa dagana og hef ég verið að fá kvartanir úr öllum áttum vegna lélegs úrvals. Ég er enþá að bíða eftir starfsmannafélags visa kortinu enda er ég nýbúinn að kaupa mér íbúð og vantar hitt og þetta í búið. 

Búið er að setja upp tippkeppni fyrir evrópumót U-21 landsliðsins í fótbolta og þykir Daníel Lecki sigurstranglegastur enda sér hann um að fylla inn úrslit og er til alls líklegur í þeim efnum. Daníel sigraði einmitt dorgveiðikeppni sjómannadagsins með yfirburðum þriðja árið í röð enda veiðimaður mikill. Hann er einmitt nýlega kominn með skotleyfi og má búast við rýrnun á rjúpna og gæsastofninum á Íslandi.

Ný tækni er að ryðja sér rúm en það er snjallsímatæknin. Ingi er núna búinn að tengja símann sinn við myndavél sem fylgist með hvort að það vanti fisk í tvö kör á neðsta millidekki. Sparar þetta mönnum mörg fótsporin og næsta skref hjá honum er að fá myndavél tengda við Runólf og Einar svo hann geti fylgst með þeim í rauntíma. 

Þangað til næst.

 

Aðalsteinn Jónsson SU 11