Gissur svaraði kallinu!

Jæja.

 

Það er aðeins einn maður sem er í meiri dýrlingatölu en..... Nei nei það er enginn sem er meira í hávegðum hafður hérna um borð heldur en Gissur Sigurðsson. Málið er þannig að það er oft mikil barátta um útvarpsstöðvarnar. Ein stöð er föst á rás 2 en svo stendur valið milli Bylgjunar,Fm, X'ins, Flass og allra hinna stöðvanna. Þetta hefur oft valdið miklum deilum um borð  sérstaklega milli yngri og eldri áhafnarmeðlima. Eitt er hinsvegar á hreinu að þegar að Gissur er í bítinu þá hefur hann algeran forgang. Nýjasta útspil hans hefur aukið vinsældir hans til muna en hann spjallaði nýverið við Þór vélstóra um fréttir af bleiðunni. Við hlökkum til að heyra í honum aftur. Viva Gissur!

Ég sit hérna við tölvuna á rannsóknarstofunni og er að rita þessi orð þá tek ég eftir einu. Hver í fjandanum er að naga á sér neglurnar hérna eiginlega? 

Nýverið var Bjartmar í viðtali á Rás 2 og talaði þá um nýjasta lagið sitt "Negril" en þar á víst að finna fallegast sólarlag í heimi. Landkönnuðurinn Tóti T er á leiðinni á þessar slóðir og ætlar að taka ghetto-blasterinn með sér setja Bjartmar á fóninn og halda í höndina á Nedínu sinni. 

 Trollið er eitthvað búið að vera að stríða okkur en það hefur ekki stöðvar okkur að hala niður 210 tonnum og er þetta allt saman á áætlun og virðumst við vera full sjálfbærir án þess að vera að tvíbba (tvíburatroll) með einhverjum öðrum.

 Við viljum óska sjoppustjóranum og sólpallasmiðnum Baldri til hamingju með daginn. Uppáhaldsleikmaðurinn hans í ensku úrvalsdeildinni hann Marió Balotelli gaf honum góða afmælisgjöf en honum tókst að meiða sig á afmælisdegi Baldurs.

Til hamingju með daginn Baldur.

Jæja ég get ekki haft þetta lengra því að hádegisfréttir með Gissuri eru að byrja.

Þar til næst. 

Kv. Allinn.